किती पूर्वजन्म..

किती पूर्वजन्म फिरून भेटली

हिरवी राहिली खुणगाठ..!

ऐकू आली त्यांना..

ऐकू आली त्यांना देठातली गाज

सडा होणे आज नाकारले..!

आड येती त्यांना..

आड येती त्यांना कापून काढले

विस्थापित केले पाखरांना..!

किती शिल्पचित्रे..

किती शिल्पचित्रे मातीस मिळती

किती उगवती मातीतून..!

कदंब-फुलांनी..

कदंब-फुलांनी मोहविले राना

राधेसह कान्हा आठवला..!

कुणी मांडलाय..

कुणी मांडलाय पट हा रानात

झाली काय मात खेळाविना..?

पंख पसरून..

पंख पसरून भक्ष्याच्या शोधात

निर्वाह नि घात एकावेळी..!