गळण्याचा क्षण..

गळण्याचा क्षण पानांनी झेलला

योगायोग झाला भावपूर्ण..!

कुणी वाहतोय..

कुणी वाहतोय ओझे पुष्कळाचे

हाल दुष्काळाचे भोगे कुणी..!

बंदिवासाचेही..

बंदिवासाचेही भान नाही तिला

मृदंग आतला झंकारला..!

कोणत्याही क्षणी...

कोणत्याही क्षणी डौल झेपावेल

चित्र विस्कटेल पहाटेचे..!

उगवली अंती..

उगवली अंती अव्दैताची मिठी

कासावीस दिठी तृप्त झाली..!

सृजनाचा सोस..

सृजनाचा सोस सृष्टीला नावरे

फुटले धुमारे पाषाणाला..!

गतकाल पूर्ण..

गतकाल पूर्ण वाकलाय आणि

वर्तमान पाणी प्रदूषीत..!