मांडली कोणी कुणाची..

मांडली कोणी कुणाची

ही स्वयंभू कुंडली

रिक्त आहे पूर्ण चौकट

मुक्त ती ग्रहमंडळी..!

ध्वस्त वास्तव भोवती पण

ध्वस्त वास्तव भोवती पण

जीवनेच्छा प्रकटली

खिन्नशा बुंध्यामधूनी

सांत्वना डोकावली..!

कोसळतानाही..

कोसळतानाही उंच केली मान

अस्तित्वाचे भान नृत्य झाले..!

निराकार स्वये..

निराकार स्वये आले आकारास

सृजनाचा रास खेळावया..!

सरला उपसा..

सरला उपसा उरली तहान

भुईचेही प्राण कासावीस..!

पाणी मागायला मुळे वर आली

दिठी आर्त झाली पाण्याविना..!

भूईतून वर..

भूईतून वर येताच बहर

अतर्क्य आहेर सृजनाचा..!

गाली चंद्र-तीळ..

गाली चंद्र-तीळ गळा पाचू हार

काटेरी नकार डोळ्यांमध्ये..!